የልጅ ዮናስ ቀልድ እና ቁም ነገር!: የእናቴ ማስታወሻ

Monday, 20 August 2012

የእናቴ ማስታወሻ

በልጅነቴ እናቴ እጄን ይዛ ሽርሽር በመውሰድ ብዙ ታሪክ ትነግረኝ ነበር። ከሕይወት ልምዷ፣ ከዓለም ታሪክ፣ ካነበበችው መፅሐፍ ቅዱስ እንደ ጉድ ታሪኮችን ስትነግረኝ እንደ ጉድ ደስ ይለኝ ነበር።

ከብዙ ታሪኮች ውስጥ ይህችን የእናቴን ታሪክ ሳስብ ያስቀኛል!

እውነተኛ አዝማች ከፊት ይቀድማል እንጂ አስከትቶ ከቤቱ አይውልም፡፡ አዝማሪ ግን አነቃቅቶ ጦርነቱ ሲፋፋም ይመለሳል፡፡ ዛሬም ብዙዎችን አስከትተው እነርሱ ግን ከቤታቸው የዋሉ ብዙዎች ናቸው፡፡ ያያቸውም፡- ‹‹ጡሩምባ ነፊ ቀብር አይወጣም›› እያለ ይተቻቸዋል፡፡ እርሱ በለፈፈው ልቅሶ፣ ሰው በዕንባ ሲራጭ፣ ደረት እየተደበደበ ሲናድ ጡሩምባ ነፊው ግን ጠላ ቤት ቁጭ ብሎ ይሳ

ከራል!

ክትክት ብዬ ስስቅ ልቤን ስላገኘችው ወዲያው ቁም ነገርን ትመርቅልኛለች!

ውኃ ወደ ፊት ሲጓዝ እየጠራ ይሄዳል፡፡ ወደ ፊት የሚገሰግሱም ራሳቸውን እያደሱ፣ በኃይል እየበረቱ የክርስትናውን የድል ገመድ ይጨብጣሉ፡፡ ውኃ ከረጋ ግን ራሱንና የሚጠቀሙትን ይበክላል፡፡ እንዲሁም በእግዚአብሔር ቤት የረጉ፣ የዚያን ጊዜ ዝማሬ፣ የዚያን ጊዜ ስብከት እያሉ የትዝታ ወተት የሚጋቱ፣ የሞቀውን ልብ የሚያቀዘቅዙ፣ በትጋት የሚሮጠውን፡- ‹‹እኛም ስንጀምር እንደ አንተ ነበርን›› እያሉ የሚያሸማቅቁ፣ አትገቡም አታስገቡም የተባሉ የበር ላይ ጋሬጣ ናቸው፡፡ ቃሉ፡- በቤት ውስጥ የጠፉ ድሪሞች ይላቸዋል(ሉቃ. 15፡8-10)፡፡ ባሉበት መርገጥም ሆነ ወደ ኋላ መመለስ ሁለቱም አንድ ነው፡፡ሐናና ቀያፋ ዘመናቸውን በሙሉ በቤተ መቅደስ የኖሩ፣ የካህናት ዘር ናቸው፡፡ ነገር ግን ፈያታዊ ዘየማን የወረሳትን መንግሥተ ሰማያት አልወረሱም፡፡ ሽፍታ የገባበትና ካህናት የወጡበት ይህች መንግሥተ ሰማያት ምንድናት ብለን መመርመር አለብን” ትለኝ ነበር በእናትነት እጆቿ ጸጉሬን እየዳሰሰች።

http://yonas-zekarias.blogspot.com/

— with Chaz Sileshe.