"...ስለኛ የሚማልደው ክርስቶስ ኢየሱስ ነውን???”
ኢየሱስ ፈራጅ ወይስ አማላጅ?
በ1938 ዓ.ም የታተመው መጽሐፍ ቅዱስ እንዲህ ይላል ፦ “ክርስቶስ ኢየሱስ ሞተ ከሙታንም ተለይቶ ተነሳ በአብ ቀኝ ተቀምጧል ስለ እኛይፈርዳል”። በ1975
ዓ.ም ከግዕዝ ወደ አማርኛ የተተረጎመውም እንዲህ ይላል፦
“የሚፈርድ ማን ነው? ክርስቶስ ኢየሱስ ሞተ ከሙታንም ተለይቶ ተነሳ በእግዚአብሔር ቀኝ ተቀምጧል ስለእኛም ይፈርዳል።”
በአሁኑ ሰዐት ከኦርቶዶክሳውያን በቀር በአብዝሃኛው ሕዝብ ተሰራጭቶ የሚገኘው እንዲህ ይላል፦ “እግዚአብሔር የመረጣቸውን ማን ይከሳቸዋል? የሚያጸድቅ እግዚአብሔር ነው:: የሚኮንንስ ማን ነው? የሞተው ይልቁንም ከሙታን የተነሳው በእግዚአብሔር ቀኝ ያለው ደግሞ ስለኛ የሚማልደው ክርስቶስ ኢየሱስ ነው።” በሮሜ 8:-34 ላይ በተለያዩ ዘመናት የተጻፉ መጽሐፍ ቅዱሶችን ተመልክተናል። ቀድሞ የታተመው መጽሐፍ ቅዱስ ኢየሱስ
ክርስቶስ ስለኛ ይፈርዳል ብሎ ፈራጅ ሲያደርገው በብዙወቻችን እጅ አሁን
የሚገኘው አዲሱ ትርጉም አማ ላጅ አድርጎታል። ታዲያ ትክክለኛው የቅዱስ ጳውሎስ ቃል የትኛው ነው? ብለን ስንጠይቅ መረዳት የምንችለው አንድም ቀዳሚውን በመመልከት ካልሆነ ደግሞ
ከምንባቡ ሃሳብ በመነሳት ነው። ስለዚህ ቀጥለን በዝርዝር እንመልከተው። ቁጥር 33 ላይ እንዲህ ሲል ይጀምራል:-“እግዚአብሔር የመረጣቸውን ማን ይከሳቸዋል?” ይህ ማለት እግዚአብሔር ተከተሉኝ ብሎ በመጥራት የመረጣቸውን አይ እነርሱ አያስፈልጉንም ፣ አንተን ሊከተሉ አይገባቸውም ብሎ የሚከሳቸው ማን ነው? በማለት ይጠይቃል በመቀጠልም “የሚያጸድቅ እግዚአብሔር ነው።" በማለት የመረጣቸውን ሰዎች መንግሥቱን ለማውረስ እናንተ የአባቴ ብሩካን የሚያጸድቃቸው እግዚአብሔር ነው አለ፤ እንዲሁም የሚኮንን (የሚፈርድ) ማን ነው? በማለት ይጠይቃል። “መኮነን” ከግዕዙ ሳይተረጎም ቀጥታ የተወሰደ ቃል
ሲሆን “ መኮነን“ ማለት መፍረድ ማለት ነው። ምክንያቱም “ኮነነ” ከሚለው የግዕዝ ሥርዎ ቃል የወጣ ነው። “ኮነነ” ማለት ደግሞ ፈረደ ፣ ገዛ ማለት ነው።እንግዲህ ማጽደቅና መኮነን የተለያዩ ትርጉም እንዳላቸው ማስተዋል ያስፈልጋል። ካፈርኩ አይመልሰኝ ካልሆነ እውነታው ይህ ነው። ማጽደቅና መኮነን የአማላጅነት ሥራ ሳይሆን የፈራጅነት ሥራ እንደሆነ ልብ እንበል። በመቀጠልም የሚኮንንስ ማን ነው? ብሎ ለጠየቀው ጥያቄ መልስ ሲሰጥ ቁጥር 34 የሞተው ይልቁንም ከሙታን የተነሳው በእግዚአብሔር ቀኝ ያለው” በማለት አሁን ያለበትን ስፍራ ይገልጻል። የሞተውና ሞትን ድል አድርጎ በሥልጣኑ የተነሳው ኢየሱስ ክርስቶስ በእግዚአብሔር ቀኝ አለ ማለት ነው። መቼም
እግዚአብሔር ቀኝና ግራ ፊትና ኋላ እንደ ፍጡር የለውም እርሱ ስፍራ የማይወስነው ረቂቅ ነው። የነፋስን ቀኝና ግራ የሚያውቅ ማን ነው ከነፋስ ይልቅ ነፍስ ትረቃለች ከነፍስ ደግሞ መላእክት ይረቃሉ። ከመላእክት ደግሞ የበለጠ እግዚአብሔር ይረቃል ስለዚህ በሁሉም ቦታ ምሉዕ ነው። ታዲያ በእግዚአብሔር ቀኝ ሲል ምን ማለት ነው? ብለን ስንጠይቅ በመጽሐፍ ቅዱስ ዉስጥ ቀኝ የተለያየ ትርጉም ቢኖረውም በዚህ ምዕራፍ ላይ ግን ክብርን ፣ ስልጣንን ያመለክታል።በመዝሙር 117:-16 “የእግዚአብሔር ቀኝ ኃይልን አደረገች” ይላል። ይህ ማለት እግዚአብሔር በስልጣኑ ኃይልን እንዳደረገ የሚገልጽ ነው።ምክንያቱም እግዚአብሔር ኃይልን የሚያደርገው ሰዎችንም ከፍ ከፍ የሚያደርገው በሥልጣኑ በመለኮታዊ ኃይሉ መሆኑ ግልጽ ነው። በመሆኑም የእግዚአብሔር ቀኝ ሲል ሥልጣኑን \መለኮታዊ ክብሩን\ ያመለክታል።በዘፀ 15:-12 ላይ “ቀኝህን ዘረጋህ ምድርም ዋጠቻቸው” ይላል ከዚህ የምንረዳው ግብጻውያንን እግዚአብሔር በስልጣኑ ምድር እንድትውጣቸው ማድረጉን ነው። ስለዚህ “በእግዚአብሔር ቀኝ ያለው” ማለቱ በስልጣንና በክብር በሰማያት ያለው ማለቱ ነው። ይህም ማለት ክርስቶስ ቀድሞ ሥጋ ከምልበሱ በፊት ክብር የሌለው ሆኖ በኋላ ክብር አገኘ ማለት አይደለም ክብርና ሥልጣኑ ቅድመ ተዋሕዶ ጊዜ ተዋሕዶ ድህረ ተዋሕዶ ከባህርይ አባቱ ከአብ ከባህርይ ህይወቱ ከመንፈስ ቅዱስ ጋር ትክክል ነው።በመቀጠል እንዲህ ይላል “በእግዚአብሔር ቀኝ ያለው ደግሞ ስለኛ
_______ ክርስቶስ ኢየሱስ ነው።” በክፍት ቦታው ላይ ቅዱስ ጳውሎስ የተናገረውን ሙሉ ብንባል ያለጥርጥር የሚፈርደው ክርስቶስ ኢየሱስ ነው የሚለውን ነው። ምክንያቱም ከላይ በዝርዝር እንዳየነው ጥቅሱ የሚያመለክተው ፈራጂነቱን እንጂ
አማላጅነቱን በፍጹም አይደለም። ማጽደቅና መኮነን ከቻለ እንዲሁም በእግዚአብሔር ቀኝ \ክብር\ ካለ እርሱ የክብር ባለቤት ፈራጅ እንጂ አማልጅ አይሆንም። ደግሞ “የሚኮንን ማንነው?” የሚለውና “ስለኛ የሚማልደው” የሚሉት ሁለት ቃላት \ሐሳቦች\ \ርስ በርሳቸው እንዳይጋጩ አስማምቶ መተርጎም ያስፈልጋል። ንባቡን ይዞ መሮጥ ግን ወደ ባሰ ጥፋት የሚያመራ መሆኑንም ሐዋርያው አስረጝቶ አስረድቷል ትርጉም ያድናል ንባብ ይገድላል በማለት። ስለዚህ ማስተዋል ግድ ይለናል!!!
ኢየሱስ ፈራጅ ወይስ አማላጅ?
በ1938 ዓ.ም የታተመው መጽሐፍ ቅዱስ እንዲህ ይላል ፦ “ክርስቶስ ኢየሱስ ሞተ ከሙታንም ተለይቶ ተነሳ በአብ ቀኝ ተቀምጧል ስለ እኛይፈርዳል”። በ1975
ዓ.ም ከግዕዝ ወደ አማርኛ የተተረጎመውም እንዲህ ይላል፦
“የሚፈርድ ማን ነው? ክርስቶስ ኢየሱስ ሞተ ከሙታንም ተለይቶ ተነሳ በእግዚአብሔር ቀኝ ተቀምጧል ስለእኛም ይፈርዳል።”
በአሁኑ ሰዐት ከኦርቶዶክሳውያን በቀር በአብዝሃኛው ሕዝብ ተሰራጭቶ የሚገኘው እንዲህ ይላል፦ “እግዚአብሔር የመረጣቸውን ማን ይከሳቸዋል? የሚያጸድቅ እግዚአብሔር ነው:: የሚኮንንስ ማን ነው? የሞተው ይልቁንም ከሙታን የተነሳው በእግዚአብሔር ቀኝ ያለው ደግሞ ስለኛ የሚማልደው ክርስቶስ ኢየሱስ ነው።” በሮሜ 8:-34 ላይ በተለያዩ ዘመናት የተጻፉ መጽሐፍ ቅዱሶችን ተመልክተናል። ቀድሞ የታተመው መጽሐፍ ቅዱስ ኢየሱስ
ክርስቶስ ስለኛ ይፈርዳል ብሎ ፈራጅ ሲያደርገው በብዙወቻችን እጅ አሁን
የሚገኘው አዲሱ ትርጉም አማ ላጅ አድርጎታል። ታዲያ ትክክለኛው የቅዱስ ጳውሎስ ቃል የትኛው ነው? ብለን ስንጠይቅ መረዳት የምንችለው አንድም ቀዳሚውን በመመልከት ካልሆነ ደግሞ
ከምንባቡ ሃሳብ በመነሳት ነው። ስለዚህ ቀጥለን በዝርዝር እንመልከተው። ቁጥር 33 ላይ እንዲህ ሲል ይጀምራል:-“እግዚአብሔር የመረጣቸውን ማን ይከሳቸዋል?” ይህ ማለት እግዚአብሔር ተከተሉኝ ብሎ በመጥራት የመረጣቸውን አይ እነርሱ አያስፈልጉንም ፣ አንተን ሊከተሉ አይገባቸውም ብሎ የሚከሳቸው ማን ነው? በማለት ይጠይቃል በመቀጠልም “የሚያጸድቅ እግዚአብሔር ነው።" በማለት የመረጣቸውን ሰዎች መንግሥቱን ለማውረስ እናንተ የአባቴ ብሩካን የሚያጸድቃቸው እግዚአብሔር ነው አለ፤ እንዲሁም የሚኮንን (የሚፈርድ) ማን ነው? በማለት ይጠይቃል። “መኮነን” ከግዕዙ ሳይተረጎም ቀጥታ የተወሰደ ቃል
ሲሆን “ መኮነን“ ማለት መፍረድ ማለት ነው። ምክንያቱም “ኮነነ” ከሚለው የግዕዝ ሥርዎ ቃል የወጣ ነው። “ኮነነ” ማለት ደግሞ ፈረደ ፣ ገዛ ማለት ነው።እንግዲህ ማጽደቅና መኮነን የተለያዩ ትርጉም እንዳላቸው ማስተዋል ያስፈልጋል። ካፈርኩ አይመልሰኝ ካልሆነ እውነታው ይህ ነው። ማጽደቅና መኮነን የአማላጅነት ሥራ ሳይሆን የፈራጅነት ሥራ እንደሆነ ልብ እንበል። በመቀጠልም የሚኮንንስ ማን ነው? ብሎ ለጠየቀው ጥያቄ መልስ ሲሰጥ ቁጥር 34 የሞተው ይልቁንም ከሙታን የተነሳው በእግዚአብሔር ቀኝ ያለው” በማለት አሁን ያለበትን ስፍራ ይገልጻል። የሞተውና ሞትን ድል አድርጎ በሥልጣኑ የተነሳው ኢየሱስ ክርስቶስ በእግዚአብሔር ቀኝ አለ ማለት ነው። መቼም
እግዚአብሔር ቀኝና ግራ ፊትና ኋላ እንደ ፍጡር የለውም እርሱ ስፍራ የማይወስነው ረቂቅ ነው። የነፋስን ቀኝና ግራ የሚያውቅ ማን ነው ከነፋስ ይልቅ ነፍስ ትረቃለች ከነፍስ ደግሞ መላእክት ይረቃሉ። ከመላእክት ደግሞ የበለጠ እግዚአብሔር ይረቃል ስለዚህ በሁሉም ቦታ ምሉዕ ነው። ታዲያ በእግዚአብሔር ቀኝ ሲል ምን ማለት ነው? ብለን ስንጠይቅ በመጽሐፍ ቅዱስ ዉስጥ ቀኝ የተለያየ ትርጉም ቢኖረውም በዚህ ምዕራፍ ላይ ግን ክብርን ፣ ስልጣንን ያመለክታል።በመዝሙር 117:-16 “የእግዚአብሔር ቀኝ ኃይልን አደረገች” ይላል። ይህ ማለት እግዚአብሔር በስልጣኑ ኃይልን እንዳደረገ የሚገልጽ ነው።ምክንያቱም እግዚአብሔር ኃይልን የሚያደርገው ሰዎችንም ከፍ ከፍ የሚያደርገው በሥልጣኑ በመለኮታዊ ኃይሉ መሆኑ ግልጽ ነው። በመሆኑም የእግዚአብሔር ቀኝ ሲል ሥልጣኑን \መለኮታዊ ክብሩን\ ያመለክታል።በዘፀ 15:-12 ላይ “ቀኝህን ዘረጋህ ምድርም ዋጠቻቸው” ይላል ከዚህ የምንረዳው ግብጻውያንን እግዚአብሔር በስልጣኑ ምድር እንድትውጣቸው ማድረጉን ነው። ስለዚህ “በእግዚአብሔር ቀኝ ያለው” ማለቱ በስልጣንና በክብር በሰማያት ያለው ማለቱ ነው። ይህም ማለት ክርስቶስ ቀድሞ ሥጋ ከምልበሱ በፊት ክብር የሌለው ሆኖ በኋላ ክብር አገኘ ማለት አይደለም ክብርና ሥልጣኑ ቅድመ ተዋሕዶ ጊዜ ተዋሕዶ ድህረ ተዋሕዶ ከባህርይ አባቱ ከአብ ከባህርይ ህይወቱ ከመንፈስ ቅዱስ ጋር ትክክል ነው።በመቀጠል እንዲህ ይላል “በእግዚአብሔር ቀኝ ያለው ደግሞ ስለኛ
_______ ክርስቶስ ኢየሱስ ነው።” በክፍት ቦታው ላይ ቅዱስ ጳውሎስ የተናገረውን ሙሉ ብንባል ያለጥርጥር የሚፈርደው ክርስቶስ ኢየሱስ ነው የሚለውን ነው። ምክንያቱም ከላይ በዝርዝር እንዳየነው ጥቅሱ የሚያመለክተው ፈራጂነቱን እንጂ
አማላጅነቱን በፍጹም አይደለም። ማጽደቅና መኮነን ከቻለ እንዲሁም በእግዚአብሔር ቀኝ \ክብር\ ካለ እርሱ የክብር ባለቤት ፈራጅ እንጂ አማልጅ አይሆንም። ደግሞ “የሚኮንን ማንነው?” የሚለውና “ስለኛ የሚማልደው” የሚሉት ሁለት ቃላት \ሐሳቦች\ \ርስ በርሳቸው እንዳይጋጩ አስማምቶ መተርጎም ያስፈልጋል። ንባቡን ይዞ መሮጥ ግን ወደ ባሰ ጥፋት የሚያመራ መሆኑንም ሐዋርያው አስረጝቶ አስረድቷል ትርጉም ያድናል ንባብ ይገድላል በማለት። ስለዚህ ማስተዋል ግድ ይለናል!!!
No comments:
Post a Comment