"ሰው ሁሉ እናታችን ጽዮን ይላታል"

v    “እምነ ፅዮን ይብል ሰብ”

ልበ አምላክ ዳዊት በገናውን አነሳና አስሩን ቅኝት ቃኘውና ስለእመቤታችን እንዲህ ብሎ ዘመረ;

እምነ ፅዮን ይብል ሰብ ወብእሲ ተወልደ በውስቴታ

ሰው ሁሉ እናታችን ጽዮን ይላታል ፤ በውስጧም ሰው ተወለደ። መዝ 86:5

v መናፍቃኑ ፅዮን የተባለችው የዳዊት ከተማ ኢየሩሳሌም ብቻ ናት ይላሉ፤ ከመሬት ውስጥ ሰው ይወለዳል እንዴ? አይወለድም ወደፊትም አይወለድም; ዳዊት በውስጧም ሰው ተወለደ ያለው አማናዊ ጽዮን የሆነችውን እመቤታችንን ነው። ዳዊት ለመናፍቃኑ ደገመና እንዲህ አላቸው፦ እግዚአብሔር ጽዮንን መርጧታልና፤ ይህች ለዘለዓለም ማረፊያዬ ናት /ዛቲ ይዕቲ ምዕራፍየ ለአለም/ መርጫታለሁና በእርሷም አድራለሁ መዝ 131:13።

ፅዮን ማለት አምባ መጠጊያ ማለት ነው፤ እመቤታችን ሀገረ ምስካይ /የመማጸኛ ከተማ/ ናትና። አንድም እመቤታችን ጽዮነ ሥጋ ዘነፍስ; ጽዮነ ሃጥአን ዘጻድቃን ናትና ፤ ጻድቃን እነ አባ ሕርያቆስ እነ አባ ኤፍሬም ተዓምሯን የጻፈው ቅ/ደቅስዮስ እነ አባ ጊዮርጊስ ዘጋስጫ ዋጋችንን ታሰጠናለች ብለው። ሃጥዓን እነ ታውፋንያ፤ እነ በላዔ ሰብ ታስምረናለች ብለው ተጠግተውባታልና እመቤታችን ጽዮን በመባል ትጠራለች። አንድም ልበአምላክ ዳዊት ፅዮንን ክበቧት እንዳለ መዝ. [47:12] ሐዋርያቱ እመቤታችንን መሃላቸው አድርገው ከበዋት ለጸሎት ሲተጉ መንፈስ ቅዱስ ለሐዋርያቱ ወረደ ይለናል [የሐዋ. 1.14] አንድም ነብዩ ኢሳያስ ስለ ጽዮን /ስለ ድንግል ማርያም/ ዝም አልልም እንዳለ ኢሳያስ[62:1]

እኛም ተዓምርሽንም በዓይኔ አይቻለሁ ፅዮን ሆይ ስልሽ
ድንግል ሆይ እጠግባለሁ እያልን እንዘምራለን።

ወ    ሥ   ብ    ሐ   ት   ለ     እ   ግ   ዚ   አ   ብ   ሔ   ር

የእመቤታችን ፀጋ የፀጋ ልብስ ይሁንልን ፤አሜን [ተክለ መድህን]